Bakı. Kənan Həsənov - APA-Sport. Azərbaycanın bədii gimnastika üzrə qrup hərəkətləri yığması İtaliyanın Turin şəhərində keçirilən XXIV Avropa çempionatını mükafatsız başa vurub. “APA-Sport” agentliyinin məlumatına görə, Vəfa Hüseynova, Anna Bitiyeva, Alina Tryopina, Anastasiya Prasolova və Valeriya Yeqayın formalaşdırdığı milli komandamız 5 iplə hərəkətlərdə 16,200 xalla 7-ci, 3 halqa/2 gürzlə proqramın ifasına görə 15,650 xalla 8-ci olub. Yekun nəticədə isə komandamız 31,850 xalla 8-ci yeri tutub. Avropa çempionu tituluna Rusiya (35,400 xal) sahib çıxıb. Belarus (34,725 xal) yığması gümüş, İtaliya (34,500 xal) bürünc medal qazanıb.
Qeyd edək ki, bu gün qadınların fərdi birinciliyində, Pekin Olimpiadasına lisenziya qazanan Aliyə Qarayeva və Dinarə Gimatova mübarizəyə qoşulacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə