Bakı. Vüqar Xeyrullayev - APA-Sport. Avropa çempionatının təşkilatçıları 1,3 milyard avro qazanacaq. “APA-Sport” agentliyinin məlumatına görə, bunu UEFA-nın baş katibi David Teylor açıqlayıb. Çempionat öncəsi təşkil olunan mətbuat konfransında çıxış edən qurum rəsmisi qazancın əsas 4 mənbəyinin olduğunu bildirib. Teleyayım (60%), kommersiya hüquqları (21%), turist proqramları (12%) və bilet satışından (7%) əldə olunan gəlir 4 il əvvəl qeydə alınan rəqəmi təxminən iki dəfə üstələyəcək. Portuqaliyada keçirilən qitə birinciliyi cəmi 854 milyon avro gəlir gətirmişdi. Qeyd edək ki, Avstriya və İsveçrədə keçirilən çempionatın baş tutması üçün 600 milyon avro xərclənib. Yerdə qalan vəsait UEFA-nın müxtəlif layihələrinin maliyyələşdirilməsinə sərf olunacaq.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb