Bakı. Kənan Həsənov - APA-Sport. Azərbaycan qılıncoynadanları Gürcüstanın paytaxtı Tiflisdə keçirilən beynəlxalq turnirdə uğurlu çıxış ediblər. Bu haqda “APA-Sport” agentliyinə Qılıncoynatma Federasiyasının vitse-prezidenti Yaşar Məmmədov məlumat verib. Onun sözlərinə görə, yarışa qatılan 17 təmsilçimizdən 7-si fəxri kürsüyə yüksəlməyi bacarıb. Səbinə Əmrahzadə sablya, Elmira Xudaverdiyeva şpaqaçıların yarışında qızıl medal qazanıb. Finalda S.Əmrahzadəyə uduzan Sevil Bünyatova ikinci yeri tutub. Sablya üzrə milli komandamızın digər üzvü Sevinc Bünyatova fəxri kürsünün üçüncü pilləsinə yüksəlib. Şpaqaçılardan Ramin Əmirov, Elçin Əliyev və Tehran Rəsulov da turnirin bürünc medalını qazanıblar.

• Olimpiyaçılarımızın aşılanmaya məruz qalan medallar yenisi ilə əvəz edilib
• Azərbaycan Milli Olimpiya Komitəsində Təhlükəsiz İdman Komissiyası təsis edilib
• Parapauerliftinqçilərimiz Avropa Açıq çempionatında 12 medal qazanıb
• Azərbaycan İdman Akademiyası INTI Beynəlxalq Universiteti ilə memorandum imzalayıb
• ASA-nın rektoru: “Qazilərin bərpa prosesinə töhfə verən layihədir”