Bern. Elşən Məmmədov – APA-Sport. Futbol üzrə İtaliya milli komandasının qapıçısı Canluici Buffon 2008-ci il Avropa çempionatında Hollandiya ilə keçirdikləri ilk görüşdə 0:3 hesablı məğlubiyyəti şərh edib. «APA-Sport» agentliyinin məlumatına görə, «Skuadra Adzurra»nın 31 yaşlı kapitanı bu görüşü yığma karyerası ərzində ən zəif oyun adlandırıb. C.Buffon uğursuz çıxışla əlaqədar kollektiv adından azarkeşlərdən üzr istəyib: «Mən komanda yoldaşlarımla danışdım və razılığa gəldik ki, azarkeşlərimiz qarşısında üzr istəyək. Biz belə alınacağını əsla gözləmirdik. Rumıniya və Fransa yığmalarına qarşı daha yaxşı çıxış edəcəyimizə söz veririk». Təcrübəli qolkiper, həmçinin qapılarına vurulan ilk qol zamanı rəqib hücumçu Ruud van Nistelroyun oyundankənar vəziyyətdə olduğunu vurğulayıb.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə