Bakı. Aqşin Əliyev - APA-Sport. Azərbaycanın 21 yaşadək qızlardan ibarət otüstü hokkey üzrə milli komandası Ukraynada təlim-məşq toplanışı keçəcək. Bu haqda “APA-Sport” agentliyinə Azərbaycan Otüstü Hokkey Federasiyasının mətbuat katibi Yaqub Nuriyev məlumat verib. Səfərə iyunun 27-də yollanacaq yığmamız bir neçə yoldaşlıq görüşündə qüvvəsini sınayacaq. Rəqiblər və qarşılaşmaların tarixi yaxın günlərdə müəyyənləşəcək. Təlim-məşq toplanışının keçirilməsində əsas məqsəd Avropa çempionatına hazırlaşmaqdır. Mixail Pinkovun yetirmələri Ukraynada bir həftəlik hazırlıq prosesinin ardından vətənə dönərək, məşqləri Bakıda davam etdirəcəklər.
Qeyd edək ki, 22-26 iyul aralığında Avstriyanın paytaxtı Vyanada baş tutacaq Avropa çempionatında milli komandamızın rəqibləri meydan sahibləri ilə yanaşı, Türkiyə və Slovakiya olacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə