Bakı. Mehman Süleymanov. APA-Sport. Avropa çempionatında İsveçrə ilə matça hazırlaşan Türkiyə milli komandası növbəti itki ilə üzləşib. “APA-Sport”un “Anadolu” agentliyinə istinadən verdiyi məlumata görə, komandanın heyətindəki zədəlilərə kapitan Əmrə Belozoğlu da əlavə olunub. İyunun 9-da məşqdən sonra sağ baldırında şiddətli ağrı hiss edən futbolçu xəstəxanaya aparılıb. Əmrə xəstəxanada rentgen müayinəsindən keçirilib. Müayinənin nəticəsi hələlik açıqlanmayıb.
Xatırladaq ki, Portuqaliya ilə ilk matçda müdafiəçilər Gökhan Zan və Sərvət Çətin də zədə alıblar. G. Zan İsveçrəyə qarşı oynaya bilməyəcək, S. Çətinin isə durumu oyundan bir neçə saat əvvəl məlum olacaq.

• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”
• Elnur Məmmədov: “Dünya İdman Paytaxtı” seçilməsi Bakıya yeni imkanlar açır”