Bakı. Elşən Məmmədov – APA-Sport. Avropa çempionatında çıxış edən qapıçılar arasında ən dəqiq ötürməni Rusiya yığmasının şərəfini qoruyan İqor Akinfeyev verib. “APA-Sport” agentliyinin məlumatına görə, bu, ilk turun statistik göstəricilərinə əsasən müəyyənləşib. İspaniya yığması ilə görüşdə qapısından 4 top buraxmasına baxmayaraq, 22 yaşlı qapıçının 18 ötürməsindən 16-sı, başqa sözlə, 89 faizi dəqiq olub. İ.Akinfeyev bu göstərici ilə Fransa millisindəki həmkarı Qreqori Kupeni (86 %) qabaqlayıb. İspaniya yığmasının qapıçısı İker Kasilyasın ötürmələrinin effektivlik göstəricisi isə 67 % təşkil edib. Sahə oyunçuları arasında Moskvanın MOİK komandasının qapıçısını cəmi 7 futbolçu – fransalı Uilyam Qallas (98 %), italiyalı Andrea Bartsalyi (97 %), polşalı Yatsek Bonk və Mariuş Levandovski, xorvatiyalı Robert Kovaç (hamısı 92 %), almaniyalı Per Mertezaker və italiyalı Kristian Panuççi (hər ikisi 91 %) qabaqlayır. Cinah yarımmüdafiəçisi M.Levandovski istisna olmaqla, adları çəkilən bütün oyunçular müdafiəçi mövqeyində çıxış edirlər. Komanda şəklində dəqiq ötürmələr üzrə göstəricilərdə ilk “dördlük”də Yunanıstan (80 %), İtaliya (80 %), İspaniya (79 %) və Rusiya (78 %) qərarlaşıb. Bu baxımdan, ən pis göstərici Xorvatiyaya (67 %) məxsusdur.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə