Bakı. Aqşin Əliyev - APA-Sport. Qadın cüdoçulardan ibarət Azərbaycan milli komandasının üzvləri Kifayət Qasımova və Gözəl Zutova Sloveniyanın Selje şəhərinə yollanıblar. Azərbaycan Cüdo Federasiyasının mətbuat xidmətindən “APA-Sport” agentliyinə verilən məlumata görə, xanım idmançılarımızın səfərində əsas məqsəd beynəlxalq təlim-məşq toplanışına qatılmaqdır. Belə ki, K.Qasımova və G.Zutova Seljedə təşkil olunan birhəftəlik təlim-məşq toplanışında iştirak edəcəklər. Bu hazırlıq prosesi iyunun 21-də start götürəcək beynəlxalq turnir öncəsi keçiriləcək. Cüdoçularımız təlim-məşq toplanışına qatılan digər ölkə təmsilçilərindən fərqli, həmin yarışda mübarizə aparmayacaqlar. Baş məşqçi İbadulla Şabanovun yetirmələri iyunun 20-də Sloveniyanı tərk edərək, Rusiyanın Kislovodsk şəhərinə gedəcəklər.
Qeyd edək ki, Pekin Olimpiadasında qadınlardan ibarət yığmamızdan yalnız Kifayət Qasımova qüvvəsini sınayacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə