Bakı. Kənan Həsənov - APA-Sport. Azərbaycanın kişilərdən ibarət basketbol üzrə milli komandası Zaqatalada keçirdiyi təlim-məşq toplanışını başa vurub. Bu haqda “APA-Sport” agentliyinə yığmanın baş məşqçisi Elxan Əliyev məlumat verib. Onun sözlərinə görə, milli komanda artıq Bakı Olimpiya Kompleksində hazırlığa başlayıb. Komandanın yerli klubların yığması ilə keçirəcəyi yoxlama oyunun vaxtı da dəqiqləşib. Beş gün əvvəl keçirilməsi nəzərdə tutulan matç iyunun 14-də baş tutacaq. Bu görüşün ertəsi isə milli komandamız Türkiyənin İstanbul şəhərinə, oradan da Şotlandiyaya yollanacaq.
Qeyd edək ki, basketbol yığmamız iyunun 17-də Şotlandiyada start götürəcək Avropa çempionatının C divizionunun A qrupunda Moldova , San-Marino və Cəbəllüttariqlə mübarizə aparacaq. B qrupunda isə Şotlandiya, Andorra, Uels və Malta yığmaları yer alıblar.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə