Bakı. Elşən Məmmədov - APA-Sport. Avstriya yığması ilə Avropa çempionatının oyunu zamanı hakimliyin səviyyəsi Polşa tərəfini qane etməyib. “APA-Sport” agentliyinin məlumatına görə, B qrupunda keçirilən oyunun əsas vaxtına əlavə olunan 3-cü dəqiqədə ingiltərəli referi Hovard Uebbin Polşa millisinin qapısına təyin etdiyi penalti kəskin etirazla qarşılanıb. Hətta Polşa prezidenti Lex Kaçinski də hakimlikdən narazı qaldığını gizlətməyib: “Hakimliyin səviyyəsi o qədər də yüksək deyildi. Mən qapımıza 93-cü dəqiqədə təyin olunan penaltinin doğru qərar olduğuna inanmıram”. L.Kaçinski həm Avstriya, həm də Polşa yığmasının əlverişli imkanlardan layiqincə yararlana bilmədiklərini bildirib. Onun fikrincə, oyun bərabər səviyyədə keçsə də, qələbəni polşalılar qazanmalı idilər.
Qeyd edək ki, Polşa millisi ilə qarşılaşmada Avstriya yığması hakimin təyin etdiyi penalti sayəsində məğlubiyyətdən xilas olub: 1:1.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə