Bakı. Kənan Həsənov - APA-Sport. Türkiyənin İstanbul şəhərində Əhməd Comərtin xatirəsinə həsr olunan beynəlxalq boks turniri həlledici mərhələyə qədəm qoyub. “APA-Sport” agentliyinin milli komandanın baş məşqçisi Nəriman Abdullayevə istinadən verdiyi məlumata görə, 23-cü dəfə təşkil olunan yarışa qatılan dörd boksçumuzdan yalnız biri yarımfinala yüksəlib. Gənclərdən ibarət milli komandamızın üzvü Famil Süleymanov (64 kq) Vyaçeslav Kislitsini (Ukrayna) və İbrahim Elkatmışı (Türkiyə) məğlub edib. Həmyerlimiz bu gün keçirəcəyi yarımfinal döyüşünün nəticəsindən asılı olmayaraq, özü üçün minimum bürünc medalı təmin edib. Komandamızın digər üzvləri, İlkin Ağayev (54 kq), Sadiq Eynullayev (64 kq) və Hafiz İsgəndərov (81 kq) mübarizəni erkən dayandırıblar.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB