Bakı. Mehman Süleymanov - APA-Sport. “Yenidən çox yaxşı oynadığımız üçün çox şadam. Bütün futbolçularımızdan razıyam”. “APA-Sport” agentliyinin məlumatına görə, bu fikirləri Hollandiya yığmasının baş məşqçisi Marko van Basten Rumıniyanı məğlub etdikləri (2:0) görüşdən sonra deyib. Qrup oyunlarında yüz faizli nəticə göstərən 45 yaşlı hollandiyalı mütəxəssisin sözlərinə görə, heyətdəki dəyişiklər komandasının oyununa təsir göstərmir: “Biz müxtəlif futbolçularla üç əla oyun keçirdik. Bugünkü görüşün əvvəlində bizdə heç də hər şey alınmırdı. Ancaq futbolçularımız toparlanıb, qələbə qazana bildi. Bu qələbə özünəinam hissimizi artırdı. Gələcəkdə heç də asan olmayacaq, ancaq biz çətinliklərə hazırıq”. Hollandiyanın layiqli qələbə qazandığını deyən Rumıniya milli komandasının baş məşqçisi Viktor Pitsurke rəqibin daha yaxşı oynadığını qeyd edib: “Bu, çox üzücü məğlubiyyət idi. ¼ finala çıxmaq üçün yaxşı imkana malik olsaq da, bundan istifadə edə bilmədik. Bu gün Hollandiya bizdən sürətli və güclü idi”.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib