Bakı. Mehman Süleymanov - APA-Sport. İspaniya milli komandasının baş məşqçisi Luis Araqones Avropa çempionatının ¼ final mərhələsində qarşılaşacağı İtaliya yığmasından çəkinir. “APA-Sport” agentliyinin məlumatına görə, 69 yaşlı ispaniyalı mütəxəssisi italyanlarla görüşmələri məyus edib. L.Araqones bu rəqibdən qaçmaq imkanı olsaydı, buna çox sevinəcəyini etiraf edib: “İtaliya yığması ən çox görüşmək istədiyim komanda deyil. Bu rəqiblə oynamaq istəməzdim. Düzdür, bu turnirdə bütün rəqiblər çətindir və hamı istənilən komandanı məğlub edə bilər. Ancaq son dünya çempionları sayılan İtaliya yığması qiymətsiz təcrübəyə malikdir. İtalyanlar oyunları alınmayanda belə nəticəni necə əldə etməyi bilirlər”.
Qeyd edək ki, iyunun 22-də keçiriləcək İspaniya – İtaliya son ¼ final oyunu olacaq.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB