Bakı. Kənan Həsənov - APA-Sport. Azərbaycanın gimnastları Pekin Olimpiadasının hazırlığına başlayıblar. “APA-Sport” agentliyinin məlumatına görə, bu nüfuzlu yarışda ölkəmizi təmsil edəcək Aliyə Qarayeva, Dinarə Gimatova, eləcə də ehtiyat gimnastlar, Anna Qurbanova və Zeynəb Cavadlı hazırda Xorvatiyanın Dubrovnik şəhərində təlim-məşq toplanışlarındadırlar. İyulun 11-dək nəzərdə tutulan hazırlıq prosesinə Rusiya milli komandasının üzvləri də qatılıblar. Pekin Olimpiadasına lisenziya qazanan, Vəfa Hüseynova, Anna Bitiyeva, Valeriya Yeqay, Alina Tryopina və Anastasiya Prasolovadan ibarət qrup hərəkətləri yığmamız isə Bolqarıstanın paytaxtı Sofiyada hazırlığa başlayıb. “Levski” klubunun bazasında keçirilən və iyulun sonunda başa çatacaq hazırlığa milli komandanın ehtiyat gimnastları, Dina Qorina ilə Leyla Şamilova da cəlb edilib.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib