Bakı. Kənan Həsənov - APA-Sport. Kişilərdən ibarət Azərbaycan basketbol yığması Şotlandiyanın Edinburq şəhərində keçirilən Avropa çempionatının C divizionunda ilk məğlubiyyətlə üzləşib. “APA-Sport” agentliyinin məlumatına görə, A qrupunda yer alan milli komandamız Cəbəllüttariq və San-Marino üzərində qələbələrdən sonra Moldovaya uduzub - 61:70. Nəticədə 5 xal toplayan komandamız yarımfinala qrup ikinci kimi yüksəlib. Bu görüşdə yığmamızın ən məhsuldar oyunçusu yenə gürcüstanlı legioner David Barbakadze (18 xal) olub. Rəqibin heyətində isə üç il öncə “Qala” klubunun şərəfini qoruyan Yevgeni Melnik 24 xal toplayıb. Yığmamızın iyunun 21-də təşkil olunacaq yarımfinaldakı rəqibi B qrupunda maksimum nəticə göstərən Şotlandiya və Andorra komandalarının görüşündə müəyyənləşəcək.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə