Bakı. Aqşin Əliyev - APA-Sport. 21 yaşadək oğlanlardan ibarət otüstü hokkey üzrə Slovakiya milli komandası Bakıda təşkil olunacaq Avropa çempionatı Çellencdə iştirakdan imtina edib. Bu haqda “APA-Sport” agentliyinə Azərbaycan Otüstü Hokkey Federasiyasının mətbuat katibi Yaqub Nuriyev məlumat verib. Slovakiya yığmasının rəhbərliyi imtinanın konkret səbəbini göstərməyib. Artıq slovakiyalılar bununla bağlı Avropa Hokkey Federasiyasına məktub göndəriblər. Nəticədə qitə birinciliyində 4 komanda - Azərbaycan, Türkiyə, Yunanıstan və Cəbəllütariq qalıb. İştirakçıların sayı azaldığı üçün reqlament də dəyişib. Belə ki, iyulun 20-də start götürəcək yarış əvvəlki kimi bir deyil, iki dövrədən ibarət olacaq. İyulun 26-də yekunlaşacaq turnirin qalibi Avropa çempionatı Trofiyə vəsiqə qazanacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə