Bakı. Kənan Həsənov - APA-Sport. Azərbaycanın boks üzrə yeniyetmələrdən ibarət milli komandasının üzvləri sabah Bolqarıstanın Plovdiv şəhərində start götürəcək Avropa çempionatında mübarizəyə başlayacaqlar. “APA-Sport” agentliyinin məlumatına görə, bu məqsədlə baş məşqçi Rasim Məmmədovun rəhbərliyi altında Plovdivə 9 idmançımız ezam edilib. Avropa çempionatında Salman Əlizadə (46 kq), Elnur Zeynalov (48 kq), Elnur Əliyev (50 kq), Elvin İsayev (52 kq), Fərid Mansurov (54 kq), Elçin Məmmədov (57 kq), Tamerlan Abdullayev (60 kq), Samir Hacılı (66 kq) və Murad Ağayev (70 kq) gücünü sınayacaq. İyunun 28-də başa çatacaq turnirin hakimlər korpusunda isə milli komandamızın sabiq üzvü, dünya kubokunun qalibi Rövşən Hüseynov yer alacaq.

• Azərbaycan üzgüçüləri Bakıdakı Dünya Kubokunun təsnifat mərhələsində çıxış ediblər
• Şose velosipedi üzrə Avropa çempionatında iştirak edəcək Azərbaycan təmsilçiləri bəlli olub
• AMADA Londonda keçirilən beynəlxalq konfransda təmsil olunub
• "İpək Yolu" Dünya Kubokunun rəsmi maskotları təqdim olunub
• "Bildiyimiz bir şey var idi: Bura Qarabağdır, bura bizimdir və biz bu torpaqları geri qaytarmalıyıq"