Vyana. Elşən Məmmədov - APA-Sport. “Ağlıma gətirməzdim ki, Türkiyə yığması üç oyunda son dəqiqələrdə 3 qol vura bilər”. “APA-Sport” agentliyinin məlumatına görə, bu sözləri Xorvatiya milli komandasının qapıçısı Stipe Pletikosa deyib. 28 yaşlı qapıçı Avropa çempionatının ¼ final matçının penaltilər seriyasında Türkiyə yığmasına məğlubiyyətlərindən təəssüfləndiyini bildirib: “İnanılmazdır, biz heç bir oyunda uduzmadan evə gedirik. Təbii ki, penaltilər seriyasında məğlubiyyəti nəzərdə tutmuram”.
Qeyd edək ki, qrup mərhələsində Avstriya və Polşanı 1:0, Almaniyanı isə 2:1 hesabı ilə məğlub edən Xorvatiya yığması ¼ finalda Türkiyə millisi ilə oyunun əsas vaxtında 0:0, əlavə vaxtında isə 1:1 hesablı heç-heçə edib. Penaltilər seriyasında isə “ay-ulduzlular” daha üstün olublar – 3:1.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə