Bakı. Kənan Həsənov - APA-Sport. ABŞ-ın Las-Veqas şəhərində qılıncoynatma üzrə Qran-Pri turniri başa çatıb. “APA-Sport” agentliyinin məlumatına görə, bu nüfuzlu yarışa qatılan sablya üzrə milli komandamızın üzvləri uğursuz çıxış ediblər. Fərdi yarışda fəxri kürsüyə yüksələ bilməyən təmsilçilərimiz komanda birinciliyində də medal qazanmağı bacarmayıblar. Yığmamız ilk görüşdə Rusiyaya 34:45 hesabı ilə uduzduqdan sonra Honq-Konqa (45:37) və Yaponiyaya (45:38) qalib gəlib. Sonuncu görüşdə isə Macarıstana 32:45 hesabı ilə məğlub olaraq 16 komanda arasında 10-cu olub.
Qeyd edək ki, bundan öncə keçirilən fərdi birincilikdə Janna Muradqızı 25-ci, Səbinə Əmrahzadə 32-ci, Sevil Bünyatova 73-cü, Aidə Ələsgərova 82-ci yeri tutub.

• Formula 1-in 2027-ci il təqvimi: Azərbaycan Qran-prisinin tarixi bəlli oldu
• Surfkastinq üzrə ölkə çempionatı keçiriləcək
• Yelkən idmanı üzrə açıq Azərbaycan çempionatı başa çatıb
• Azərbaycan komandası Avropa Açıq üzgüçülük yarışında estafetdə birinci olub
• Yelkən idmanı üzrə açıq Azərbaycan çempionatı start götürüb