Bakı. Aqşin Əliyev - APA-Sport. Sabah Fransanın Boe şəhərində kişi və qadınlar arasında kamandan oxatma üzrə Dünya Kuboku start götürəcək. “APA-Sport” agentliyinin məlumatına görə, turnirdə Azərbaycanın şərəfini bir idmançı - Emil Akçurin qoruyacaq. Fərdi yarışda, recurve növündə 72 ox atacaq həmyerlimiz təsnifat mərhələsini adlamaq üçün ilk “64-lüy”ə düşməlidir. Əks təqdirdə, E.Akçurin mübarizəni erkən dayandıracaq. Komanda yarışlarında isə ölkəmiz təmsil olunmayacaq. Bunun əsas səbəbi səfərə 3-dən az idmançının yollanmasıdır. Dünya Kubokuna iyunun 28-də yekun vurulacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə