Bakı. Kənan Həsənov - APA-Sport. Bolqarıstanın Plovdiv şəhərində yeniyetmə boksçular arasında XIII Avropa çempionatı start götürüb. “APA-Sport” agentliyinin məlumatına görə, Rasim Məmmədovun rəhbərliyi altında Plovdivə ezam olunan 13 təmsilçimizdən 7-si ilk görüşünü keçirib. Salman Əlizadə (46 kq) Levan Kanajaşvilini (Gürcüstan) 14:8, Anar Əliyev (50 kq) Aleksandr Qurbanovu (Belarus) 20:3 hesabı ilə, Tamerlan Abdullayev (57 kq) isə Revaz Tsatiaşvilini (Estoniya) texniki nokautla məğlub edib. Digər dörd təmsilçimiz isə ilk döyüşdə uduzaraq mübarizəni erkən dayandırıb. Fərid Mansurov (54 kq) Nikita Stupnikova (Estoniya), Hacıbaba Hacıbabayev (+80 kq) İveri Zoidzeyə (Gürcüstan) nokautla məğlub olub. 63 kq çəki dərəcəsində döyüşən Samir Hacılı rumıniyalı Vasil Bucurla bacara bilməyib – 7:13. Orxan Mustafazadənin (70 kq) türkiyəli Eren Elverenlə (Türkiyə) görüşündə heç-heçə (16:16) qeydə alınsa da, hakim qələbəni rəqibə verib. Bu gün mübarizəyə milli komandamızın digər altı üzvü qoşulacaq. Avropa çempionatına iyunun 28-də keçiriləcək final döyüşləri ilə yekun vurulacaq.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə