Vyana. Elşən Məmmədov - APA-Sport. Avstriya və İsveçrədə davam edən futbol üzrə Avropa çempionatının ilk istefası reallaşıb. «APA-Sport» agentliyinin məlumatına görə, Yozef Hikersberger Avstriya milli komandasının baş məşqçi postu ilə vidalaşıb. 60 yaşlı mütəxəssis istefa qərarını çox yorulması ilə əsaslandırıb: «Mən gedirəm. Çox yorulmuşam. Mənə sərbəst vaxt və istirahət lazımdır. İtirdiyim enerjini bərpa etməliyəm. Missiyam başa çatdı».
Qeyd edək ki, qitə birinciliyində B qrupunda yer alan Avstriya millisi Xorvatiya və Almaniyaya 0:1 hesabı ilə məğlub olsa da, Polşadan xal almağı bacarıb – 1:1. Nəticədə cəmi 1 xalla kifayətlənən Y.Hikersbergerin komandası qrupda III yeri tutaraq, ¼ finala vəsiqə qazana bilməyib.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə