Bakı. Elşən Məmmədov - APA-Sport. “Xorvatiya - Türkiyə matçı o qədər də maraqlı alınmadı. Amma görüşün dramatik sonluğu baxımlılıq sarıdan istənilən çatışmazlığı kölgədə qoymağa qadirdir”. “APA-Sport” agentliyinin məlumatına görə, bu sözləri Serbiya yığma komandasının və Türkiyənin “Fənərbaxça” klubunun hücumçusu Matey Kejman deyib. 29 yaşlı futbolçunun fikrincə, Avropa çempionatının ¼ final matçında Türkiyə millisinin Xorvatiya üzərində qələbəsində italiyalı baş hakim Roberto Rozettinin də rolu olub: “Xorvatiyalıların düşdüyü vəziyyətə çox təəssüflənirəm. Məncə, onların rəqiblərinə hakim istər-istəməz kömək etdi. Belə ki, Rozetti əlavə vaxtın sonunda Xorvatiya yığmasının baş məşqçisi Slaven Biliçin əvəzləmə etməsinə imkan vermədi. Sonra isə heç nədən bir dəqiqə artıraraq, türklərin hesabı bərabərləşdirməsinə imkan yaratdı”.

• Bakıda Müstəqillik Gününə həsr olunmuş veloyürüş keçirilib
• Azərbaycan xizək alpinizmi üzrə Avropa çempionatı və Dünya Kubokuna ev sahibliyi edəcək
• 28 May – Müstəqillik Gününə həsr olunmuş veloyürüş keçiriləcək
• Vəfa Musayeva: "Everestə elə gedirdim ki, sanki Azərbaycan məni döyüşə göndərmişdi"
• "Formula 1" üzrə Azərbaycan Qran-prisi üçün yeni tribunalar salınır