Bakı. Vüqar Xeyrullayev - APA-Sport. “Mixaelin oyununun sadəliyi, effektliliyi xoşuma gəlir. O, komandasına heç də az fayda vermir. Avro-2008-in oyunlarına əsasən, Ballak turnirin ən yaxşı oyunçusudur”. “APA-Sport” agentliyinin məlumatına görə, bu sözləri İngiltərənin “Arsenal” klubunun baş məşqçisi Arsen Venger deyib. 59 yaşlı fransalı mütəxəssis Almaniya milli komandasının kapitanı Mixael Ballakı Avstriya və İsveçrədə keçirilən XIII Avropa çempionatının ən yaxşı oyunçusu sayır: “Ballaka görə sevinirəm. Almaniyada heç də həmişə ona layiq olduğu münasibəti bəsləməyiblər. Artıq indi o əsl liderdir. Ötürmələr verir, orta sahədə aparıcı rol oynayır. Başla qol vurmaq lazım olanda isə həmin yerdə Ballak peyda olur. Onu qiymətləndirməmək olmur”.

• Anar Ələkbərov Beynəlxalq Avtomobil Federasiyasının Senatına üzv seçilib
• Azərbaycan Üzgüçülük Federasiyasında yeniliklər olub
• “Pool Nine Ball” üzrə Bakı şəhər çempionatı keçiriləcək
• Yevlax Olimpiya İdman Kompleksinə media-tur təşkil olunub
• İlham Əliyev Yevlax Olimpiya İdman Kompleksində görülmüş işlərlə tanış olub - YENİLƏNİB