Dauqavpils. Elşən Məmmədov - APA-Sport. Latviyanın Dauqavpils şəhərində sərbəst, yunan-Roma və qadın güləşi üzrə yeniyetmələr arasında Avropa çempionatı start götürüb. Əvvəlcə mübarizəyə sərbəst güləşçilər qoşulublar. Azərbaycan pəhləvanları yarışın ilk günündə 1 qızıl, 1 gümüş, 1 bürünc medal qazanıblar. Bu haqda “APA-Sport” agentliyinə yığmamızın baş məşqçisi Firdovsi Umudov məlumat verib. Onun sözlərinə görə, 50 kq çəki dərəcəsində mübarizə aparan Nicat Muradov bütün rəqiblərini məğlub edərək, fəxri kürsünün ən yüksək pilləsinə qalxıb. Aslanbek Alborov (85 kq) finalda uduzaraq, gümüş medala sahib çıxıb. Bürünc medala isə Nurlan Hacıyev (58 kq) layiq görülüb. Qalan idmançılarımıza gəldikdə, Çingiz Qaxacov (42 kq) V, Pərviz Axundov (69 kq) isə VII yeri tutub. Bu gün daha 5 sərbəst güləşçimiz - Toğrul Əsgərov (46 kq), Hadı Əliyev (54 kq), İbrahim Yusubov (63 kq), Fərid Mustafayev (76 kq) və Aslan Cəbişov (100 kq) döşək üzərinə çıxacaq.

• AKAF prezidenti və Çad Olimpiya Komitəsinin baş katibi arasında görüş keçirilib
• BOK rəsmisi Bakıya gələcək
• Əməkdar məşqçi vəfat edib
• Azərbaycan təmsilçisi Qazaxıstanda “gümüş” qazandı
• AMADA Azərbaycan Ağırlıqqaldırma Federasiyası üçün seminar təşkil edib