Dauqavpils. Elşən Məmmədov - APA-Sport. Latviyanın Dauqavpils şəhərində davam edən yeniyetmələr arasında Avropa çempionatında bu gün Azərbaycanın daha 5 sərbəst güləşçisi mübarizəyə qoşulub. Millimizin baş məşqçisi Firdovsi Umudovun «APA-Sport» agentliyinə verdiyi məlumata görə, artıq pəhləvanlarımızdan 4-ü finala çıxıb. Belə ki, Toğrul Əskərov (46 kq), Hacı Əliyev (54 kq), İbrahim Yusubov (63 kq) və Aslan Cəbişov (100 kq) bu axşam qızıl medal uğrunda görüşə çıxacaqlar. Daha bir güləşçimiz – Fərid Mustafayev (76 kq) isə qızıl medal şanslarını itirib. O, bürünc medal qazanmaq üçün təsəlliverici qarşılaşmalara qatılacaq.
Qeyd edək ki, yarışın ilk günündə sərbəst güləşçilərimiz 1 qızıl, 1 gümüş, 1 bürünc medala sahib çıxıblar.

• Qılıncoynatma üzrə Azərbaycan birinciliyində ilk mükafatçılar müəyyənləşib
• Fərid Qayıbov: “Yarışın əsas məqsədi idmanın kütləviliyinə nail olmaqdır”
• "Üzgüçülük hamı üçün" turnirinin açılış mərasimi keçirilib
• ACES Europe prezidenti: “Bakı dünyanın ən vacib şəhərlərindən biridir”
• Elnur Məmmədov: “Dünya İdman Paytaxtı” seçilməsi Bakıya yeni imkanlar açır”