Bakı. Vüqar Xeyrullayev - APA-Sport. “Almaniya yığması üçün finalda kiminlə oynamağın ciddi fərqi yoxdur”. “APA-Sport” agentliyinin məlumatına görə, bu sözləri Almaniya milli komandasının müdafiəçisi Filip Lam deyib. Avstriya və İsveçrədə keçirilən XIII Avropa çempionatının yarımfinal oyununda Türkiyənin qapısına vurduğu qolla komandasına qələbə gətirən futbolçu inamın əsas olduğunu vurğulayıb: “Qol vurduğum anda nə hiss etdiyimi bilmirəm. Çünki başımda o qədər emosiyalar var idi ki. Düşünürəm ki, bu karyeramdakı ən əhəmiyyətli qollardan biridir. Heç vaxt özünə və komandaya inamı itirməməlisən. Finaldakı rəqibdən asılı olmayaraq, yalnız bir oyunda qələbə qazanmaqla, qitə çempionu titulunu Almaniyaya qaytarmaq lazımdır”.
Qeyd edək ki, Almaniya milli komandası sonuncu dəfə 12 il əvvəl Azərbaycan yığmasının hazırkı baş məşqçisi Berti Foqtsun rəhbərliyi altında Avropa çempionu olub.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə