Bakı. Kənan Həsənov - APA-Sport. “Yaxşı oynadığımız matçda uduzmağımız bizi çox üzdü. Heyətdə olan məlum problemlərə rəğmən, meydana çıxanlar əzmlə mübarizə apardılar. Almanların qapımıza cəmi üç təhlükəli həmləsi olsa da, hamısını qola çevirdilər. Hərçənd, hesabı bərabərləşdirdikdən sonra bir anlıq oyun sonrası penaltilərdə qələbə qazanacağımızı düşündüm. Rəqib bizi sırf təcrübə baxımından üstələdi”. “APA-Sport” agentliyinin məlumatına görə, bu sözləri Türkiyə milli komandasının hücumçusu Semih Şəntürk söyləyib. Gənc futbolçu Avropa çempionatının yarımfinalında Almaniyaya 2:3 hesabı ilə uduzan komandasının gələcəkdə daha böyük nailiyyətlər qazanacağını bildirib: “Artıq deyiləsi heç nə yoxdur. Bu çempionatda lazımi təcrübə qazandıq. Növbəti turnirlərdə daha böyük uğurlar əldə edəcəyik”.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə