Bazel. Elşən Məmmədov - APA-Sport. “Türkiyə millisi bu gün nümayiş etdirdiyi oyunla yarımfinalda çıxış etməyə layiq olduğunu təsdiqlədi”. “APA-Sport” agentliyinin məlumatına görə, bu sözləri Almaniya milli komandasının qapıçısı Yens Lemann deyib. 38 yaşlı qolkiper Türkiyə yığmasının güclü komanda olduğunu etiraf edib. Onun fikrincə, “ay-ulduzlular” daha çox qol vura bilərdilər: “Bəlkə də türklərin bizi daha çox məyus etməsi mümkün idi. Lakin iki qolda qaldılar”. Bununla belə, Y.Lemann baş məşqçi Fatih Terimin komandasının müdafiə xəttinin səhvlərə yol verdiyini vurğulayıb: “Almaniya ilə oynayırsınızsa, yaxşı müdafiə olunmağı unutmamalısınız”. Təcrübəli qapıçı, həmçinin Türkiyə millisinin heyətində hücumçu Semih Şəntürkün çıxışından xeyli razı qaldığını açıqlayıb.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə