Bakı. Mehman Süleymanov - APA-Sport. “Rusiya yığmasına belə oyunla heç kim qorxulu deyil. İndi əsas məsələ ondadır ki, rusların havalar belə istiləşməsindən sonra pressinq etməyə gücləri çatacaqmı? Hər halda, indiki uğur da Almaniya qəzetlərinin heyrətə gəlməsinə səbəb ola bilər. Nə vaxtsa, Rusiyada yaşadığıma görə fəxr edirəm”. “APA-Sport” agentliyinin məlumatına görə, bu fikirləri “Xəzər-Lənkəran” klubunun sabiq baş məşqçisi Viktor Pasulko deyib. O, Rusiyanın ən azı 20 il öncəki uğurlarını təkrarlamasını arzulayır: “Almanlar Arşavin, Jirkov haqda elə sözlər deyirlər ki, buradakı mütəxəssislərdən çoxdandır belə şeylər eşitməmişəm. Ruslar İspaniya ilə yarımfinalda İsveç və Hollandiya ilə görüşlərdə olduğu kimi pressinq etsələr, qələbəyə ümid edə bilərlər. Gümüş medal mənim üçün Avropa çempionatından əla xatirədir. Ümid edirəm ki, bizim uşaqlar da hazırkı Avropa çempionatında minimum bu vəzifəni yerinə yetirəcəklər”.

• “Ocaq kuboku”nun təqvimi bəlli oldu
• Badmintonçularımız Uqandada “gümüş” qazandı
• Qubada ilk mükafatçılar bəlli oldu
• Snayperlərimiz dünya çempionatında
• AMADA təlim keçirib