Bakı. Vüqar Xeyrullayev - APA-Sport. Rüştü Rəcbər, Əmrə Belözoğlu, Əmrə Aşık və Nihat Kahveçi Türkiyə futbol tarixinə düşüb. “APA-Sport” agentliyinin məlumatına görə, bu futbolçular Avstriya və İsveçrədə keçirilən XIII Avropa çempionatında bürünc medala layiq görülərək, karyeralarında ikinci dəfə böyük uğur qazanıblar. Belə ki, qitə birinciliyində üçüncü yeri tutan Türkiyə milli komandasının 23 üzvündən yalnız dördü - R.Rəcbər, Ə.Belözoğlu, Ə.Aşık və N.Kahveçi 6 il öncə Yaponiya və Koreyada keçirilən dünya çempionatında da eyni əyarlı medala sahib çıxıb. Ümumiyyətlə, yığmanın baş məşqçisi Fatih Terim Avropa çempionatına apardığı futbolçulardan 22-nə oynamaq şansı verib. Yalnız üçüncü qapıçı Tolqa Zəngin qitə birinciliyində çıxış etməyib.

• AMADA rəhbəri Təhminə Tağı-zadə Yunanıstanda süni intellektin antidopinqdə tətbiqindən danışıb
• Prezident paralimpiya hərəkatının inkişafında xidməti olan bir qrup şəxsi təltif edib
• ATPF Beynəlxalq Padel Federasiyasının 36-cı Baş Assambleyasında təmsil olunub
• Azərbaycanlı Formula 4 pilotu Davin Cəfərov Slovakiya Ring trasında növbəti testlərini uğurla başa vurub!
• Deflimpiyaçı güləşçilərimiz Belarusda zirvədə