Bakı. Kənan Həsənov - APA-Sport. İyulun 8-də Rusiyanın Poykovsk şəhərində şahmat üzrə XII dünya çempionu Anatoli Karpovun şərəfinə həsr olunan beynəlxalq turnir start götürəcək. “APA-Sport” agentliyinin məlumatına görə, XIX kateqoriyalı yarışda Azərbaycan milli komandasının üzvü Vüqar Həşimov iştirak edəcək. Doqquzuncu dəfə təşkil olunacaq turnirdə Aleksey Şirov (İspaniya), Emil Sutovski (İsrail), Viorel Boloqan (Moldova), Dmitri Yakovenko, Sergey Rublyovski, Aleksandr Onişuk (hamısı Rusiya) kimi tanınmış qrossmeysterlərin də mübarizə aparacağı dəqiqləşib. Həmçinin, adı açıqlanmayan ABŞ, Ukrayna və Çin şahmatçılarının da yarışa qatılacaqları gözlənilir. Beynəlxalq turnirə iyulun 17-də yekun vurulacaq.

• İdmançılarımız Avropa Yay Olimpiya Festivalına hazırlaşırlar
• AzVİF-lə Elm və Təhsil Nazirliyinin əməkdaşlığı çərçivəsində yeni layihəyə start verilib - FOTO
• Azərbaycan və Polşa arasında antidopinq sahəsində əməkdaşlığın perspektivləri müzakirə olunub
• Millidən yeni rekord: Yığma dünya reytinqində 27-ci sıraya yüksəlib
• Şose velosipedi üzrə Azərbaycan çempionatı start götürüb