Bakı. Kənan Həsənov - APA-Sport. Azərbaycanın qılıncoynatma üzrə milli komandasının iyulun 5-də Ukraynanın paytaxtı Kiyevdə start götürəcək Avropa çempionatına qatılacaq heyəti müəyyənləşib. Bu haqda “APA-Sport” agentliyinə Qılıncoynatma Federasiyasının vitse-prezidenti Yaşar Məmmədov məlumat verib. Onun sözlərinə görə, bu nüfuzlu yarışın sablya üzrə birinciliyində Janna Muradqızı, Səbinə Əmrahzadə, Sevil Bünyatova, Ramin Əmirov, Yusif Budaqov və Namiq Ağarəhimov iştirak edəcək. Şpaqaçıların mübarizəsinə isə Elmira Xudaverdiyeva, Hafiz Quliyev, Vəkil Nəsibov, Etibar Qurbanov və Mehrab Həsənov qatılacaq. 100000 avro mükafat fondu olan Avropa çempionatı iyulun 10-da başa çatacaq.

• Azərbaycan velosipedçiləri təlim-məşq toplanışı üçün Türkiyəyə yollanıblar
• Türkiyə millisinin baş məşqçisi Bakıda təlim keçəcək
• Qılıncoynadanlarımız Türkiyədə iki bürünc medal qazanıblar
• Azərbaycan fiqurlu konkisürənləri Bolqarıstanda bürünc medal qazanıblar
• “Azerbaijan Open” beynəlxalq dağ xizəyi turnirinə yekun vurulub - FOTO