Bədii gimnastika üzrə Moskvada keçirilən dünya çempionatının 4-cü günü idmançılarımız üçün uğurla başlayıb. Apasport.az saytının məlumatına görə, fərdi gimnastların 4 növdə nümayiş etdirdikləri çıxışların yekununda Aliyə Qarayeva, Anna Qurbanova və Samirə Mustafayevadan ibarət yığmamız 265,225 xala sahib olaraq komanda hesabında bürünc medala layiq görülüb. Təmsilçilərimizi yalnız Rusiya və Belarus gimnastları qabaqlamağı bacarıblar.

Qeyd edək ki, sentyabrın 26-da yekunlaşacaq dünya çempionatında bundan öncə halqa ilə hərəkətlərdə Aliyə Qarayeva bürünc medal qazanmışdı.

• FIDE Vüqar Həşimovun atasının vəfatı ilə bağlı başsağlığı verib
• Vüqar Həşimovun partlayışda xəsarət alan atası vəfat edib
• Millimizin Avropa çempionatı üçün heyəti açıqlanıb
• "Formula 1"in ən varlı pilotları bəlli olub
• AMADA-nın təşkil etdiyi beynəlxalq müsabiqəyə yekun vurulub