Avro-2012-nin seçmə mərhələsində millimizin rəqibi olan Avstriya yığmasının heyəti açıqlanıb. Apasport.az saytının məlumatına görə, baş məşqçi Ditmar Konstantini oktyabrın 8-də və 12-də keçiriləcək qarşılaşmalara 23 futbolçu çağırıb.

Komandamızı Vyanada qəbul edib, Brüsseldə Belçika yığmasının qonağı olacaq avstriyalılar bu görüşlərə 2 debütantla hazırlaşacaq. Hələ milli forması geyməyən Kox və Şrammelin yer aldığı komandada Mark Yanko da var. Yığmamızın futbolçusu Vaqif Cavadovun Hollandiyanın “Tvente” klubundakı sabiq komanda yoldaşı həmyerlimizin əsas heyətə düşməməyinin səbəbkarlarından biridir. İndi hücumçu Enshede təmsilçisində etimad qazanmasının əbəs yerə olmadığını sübut etməyə çalışacaq.

Qapıçılar: Kristian Qratzey (“Şturm”, yığmada 4 oyun keçirib, 8 qol buraxıb), Mixael Qspurninq (“Ksanti”, Yunanıtan, 3, -6), Yurgen Maço (“Panionios”, Yunanıstan, 20, -18)

Müdafiəçilər: Aleksandar Draqoviç (“Austriya”, Vyana, 9), Kristian Fuş (“Mayns”, Almaniya, 33), Fabian Kox (“Vakker”, 0), Emanuel Poqatets (“Hannover”, Almaniya, 39, 2), Sebastian Prodl (“Verder”, Almaniya, 25, 2), Tomas Şrammel (“Rid”, 0)

Yarımmüdafiəçilər: Yulian Baumqartlinqer (“Austriya”, Vyana, 6), Martin Harnik (“Ştutqart”, Almaniya18, 2), Yakob Yançer (“Red Bull”, 8, 1), Zlatko Yunuzoviç (“Austriya,”, Vyana, 6), Veli Kavlak (“Rapid”, 9), Florian Kleyn (“Austriya”, Vyana, 2), Pol Şarner (“Vest Bromviç Albion”, İngiltərə, 30), Frans Şiemer (“Red Bull”, 15, 2)

Hücumçular: Marko Arnautoviç (“Verder”, Almanbiya, 5), Ervin Hoffer (“Kayzerslautern”, Almaniya, /18, 3), Mark Yanko (“Tvente”, Hollandiya, 17, 7), Roland Lins (“Austriya”, Vyana, 37, 8), Stefan Mayerhofer (“Duysburq”, Almaniya, 11, 1)

• FIDE Vüqar Həşimovun atasının vəfatı ilə bağlı başsağlığı verib
• Vüqar Həşimovun partlayışda xəsarət alan atası vəfat edib
• Millimizin Avropa çempionatı üçün heyəti açıqlanıb
• "Formula 1"in ən varlı pilotları bəlli olub
• AMADA-nın təşkil etdiyi beynəlxalq müsabiqəyə yekun vurulub