Azərbaycan yığmasının Avro-2012-nin seçmə mərhələsində görüşəcəyi Belçika yığması özünə rəqib tapıb. Apasport.az saytının məlumatına görə, belçikalılar noyabrın 17-də Rusiya ilə Moskvada yoldaşlıq görüşü keçirəcəklər.

Bununla, Advokat keçmiş komandası ilə görüşmək imkanı qazanacaq. Axı hollandiyalı mütəxəssis bu il Rusiya yığmasının baş məşqçi postuna Belçika millisindən istefa verərək gəldi.

Bu, belçikalıların yığmamızla oyuna hazırlıq matçı olacaq. Millimiz gələn il ilk rəsmi oyununu martın 29-da səfərdə məhz bu rəqiblə keçirəcək. Noyabrın 17-də isə Berti Foqtsun baş məşqçisi olduğu komandamız səfərdə Çernoqoriya ilə yoldaşlıq görüşünə çıxacaq.

• Bilyardın "Snuker" növü üzrə ölkə çempionatının qalibləri bəlli olub - FOTO
• Millimiz təlim-məşq toplanışına start verib
• III MDB Oyunlarında fəaliyyət göstərəcək könüllülərin sayı açıqlanıb - FOTO
• “Snuker” növü üzrə Azərbaycan çempionatı keçiriləcək
• Fəridə Əzizova Atletlər Komissiyasının sədri seçilib - FOTO