Avro-2012-nin seçmə mərhələsi çərçivəsində Azərbaycan millisinin rəqibi olan Türkiyə yığmasının baş məşqçisi Qus Hiddink klublarında heyətə düşməyən futbolçulardan narazıdır. Apasport.az saytının məlumatına görə, hollandiyalı mütəxəssis Kolin Kazım, Semih Şəntürk (hər ikisi “Fənərbaxça”), Tuncay Şanlı (“Stok Siti”, İngiltərə) və Gökhan Zandan (“Qalatasaray”) imtina edə biləcəyini açıqlayıb.

Oktyabrın 8-də Almaniya, 4 gün sonra Azərbaycanla səfərdə keçiriləcək seçmə oyunlarında bu futbolçulara sonuncu şans veriləcək. Bu görüşlərdə özlərini sübut edə bilməyəcəkləri halda, Hiddink onları bir daha heyətə çağırmayıb, yeni istedadlar axtaracaq.

Qeyd edək ki, cari mövsümdə Tuncay klubunun start heyətinə düşə bilməyib. İlk iki turda sonradan meydana daxil olan futbolçu sonrakı 4 matçda heç “18-liy”ə da daxil edilməyib.

İlk iki turda start heyətində yer alıb, 2 qol vuran Semih isə zədə üzündən heyətdən kənarda qalıb və sonradan yalnız 1 dəfə meydana daxil olub. Bu da görüşün axırında 17 dəqiqəlik olub. İki çempionat oyununda üst-üstə 18 dəqiqə oynayan Gökhandan fərqli, Kazım Superliqanın yeni mövsümündə debüt etməyib.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək