Beynəlxalq Şahmat Federasiyasına (FİDE) növbəti 4 ildə də rəhbərlik edəcək Kirsan İlyumjinov planlarını açıqlayıb. Apasport.az saytının məlumatına görə, 1995-ci ildən bu qurumun prezidenti olan rusiyalı mütəxəssis növbəti illərdə 3 planı həyata keçirəcək.

İlyumjinov bildirib ki, ilk istəyi Rusiyada daxil olmaqla dünyanın 170 ölkəsində “Şahmat məktəblərdə” planını həyata keçirməkdir: “İlk istəyimlə bağlı artıq Azərbaycan, Ermənistan, Türkiyə və Moldovada zəka oyunu ilə bağlı xüsusi dövlət proqramı var. İkinci planım məşqçilərin və hakimlərin hazırlanmasıdır. Bir çox ölkələr bu sarıdan korluq çəkirlər. Nəhayət, sonuncu – şahmatın inkişaf etməyə başladığı dövlətlərdə bunu sürətləndirməkdir”.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək