UEFA-nın İcraiyyə Komitəsi 2012-ci ildə Polşa və Ukraynada təşkil olunacaq Avropa çempionatının final mərhələsinin təqvimini təsdiqləyib. Apasport.az saytının məlumatına görə, Minskdə təşkil olunan tədbirdə baş tutacaq 31 qarşılaşmanın baş tutacağı şəhərlər də dəqiqləşib. Polşanın 4 şəhəri – Qdansk, Vrotslav, Poznan və Varşava ümumilikdə 15 oyunu qəbul edəcək. Digər 16 qarşılaşma isə Ukrayna şəhərləri Kiyev, Donetsk, Xarkov və Lvovun payına düşəcək.

İyunun 8-də, cümə günü baş tutacaq açılış oyunu Varşavada, iyulun 1-də, bazar gününə təsadüf edəcək final görüşü isə Kiyevdə keçiriləcək. İyunun 27-nə təyin olunan yarımfinallar Varşava və Donetskdə baş tutacaq. Ayın 21-dən 24-dək oynanılacaq 1/4 final matçlarını isə Varşava, Qdansk, Kiyev və Donetsk qəbul edəcək. Qrup mərhələsində isə 8 şəhərin hər birinə 3 oyuna ev sahibliyi etmək nəsib olacaq. Təşkilatçılardan Ukrayna qrupda ilk oyunu Kiyev, növbəti 2 matçı Donetskdə keçirəcək. Polşalılar isə iki dəfə Varşava, bir dəfə Vrotslav publikası önündə oynayacaq.

• Azərbaycanın paraüzgüçüləri Berlində Dünya Seriyasının mərhələsində yarışacaq
• Keti Perri "Formula 1" üzrə Azərbaycan Qran-prisində səhnə alacaq
• Heydər Əliyevin xatirəsinə həsr edilmiş badminton turniri keçiriləcək
• Yelkən idmanı üzrə "Prezident Kuboku 2026"nın ilk yarış günü başa çatıb 
• Sərbəst Piramida bilyard üzrə ölkə çempionatı keçiriləcək