Rusiyanın Qroznı şəhərində boks üzrə məktəblilər arasında Avropa birinciliyi davam edir. Apasport.az saytının məlumatına görə, artıq yarışda bəzi yarımfinal görüşləri keçirilib. Boksçularımızdan yalnız 50 kq çəki dərəcəsində mübarizə aparan Tayfur Əliyev ukraynalı Georgi Dondovu 9:0 hesabı ilə məğlub edərək, finala vəsiqə qazanıb.

Milli komandamızın digər 4 üzvü isə yarımfinalda uduzaraq, bürünc medalla kifayətlənməli olublar. Boksçularımızdan – Elməddin İsmayılov (44,5 kq), Həsən Abbasov (48 kq), Ənvər Qarayev (56 kq) və Hüseyn Tanrıverdiyev (62 kq) yarışı 3-cü yerdə başa vurublar.

Bu gün Avropa birinciliyində digər çəki dərəcələrində yarımfinal görüşləri keçiriləcək. Yığmamızın 5 boksçusu finala vəsiqə uğrunda mübarizə aparacaqlar.

40 kq – Pərviz Quliyev – Süleyman Bammatov (Rusiya)
46 kq – Sərxan Əliyev – Valid Kakayev (Rusiya)
54 kq – Elvin Məhərrəmov – Stepan Qrekul (Ukrayna)
59 kq – Rövşən Musayev – Lüis Kroker (İrlandiya)
68 kq – Təbriz Hacızadə - Robert Marton (Ukrayna)

• Velosipedçilərimiz beynəlxalq “Tour of Mersin” yarışına qatılıblar
• Azərbaycan çempionatının qalibləri müəyyənləşib
• Bakı şəhər kubokunun birinci mərhələsində finalçılar müəyyənləşib
• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək