“Türkiyə yığmasının bir neçə güclü futbolçusu var. Məsələn, Hamit Altıntop. Oyunlar öncəsi rəqibi daha geniş təhlil edib, öyrənəcəyik”. Apasport.az saytının məlumatına görə, bu fikirləri Xorvatiya millisinin futbolçusu Tomislav Duymoviç deyib.

Avro-2012-ə çıxmaq uğrunda pley-off mərhələsində Türkiyə yığması ilə düşən xorvatlar 3 il öncə turnirin 1/4 finalında məğlubiyyətin əvəzini çıxmağa çalışacaqlar. Moskva “Dinamo”sunda oynayan yarımmüdafiəçi “ay-ulduzlular”ı çətin rəqib sayır: “Bu, yetərincə gənc komandadır. Onun “sükanı arxası”nda Qus Hiddink kimi təcrübəli usta durur. Türklər yaxşı formada olduqlarını göstərdilər. Qrupda uduzdular, ancaq istənilən halda, güclü komandadır. Bizə çətin olacaq. Ancaq hər 2 oyunda qalib gəlməliyik. İlk oyunu səfərdə keçirməyimiz bizim üçün müsbət cəhətdir”.

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO