"Qarabağ" Misli Premyer Liqasının 2024/25 mövsümündə 50 qol vuran ilk komanda olub.

Apasport.az xəbər verir ki, Ağdam klubunun yubiley topu XIX turun “Şamaxı” ilə ev matçına (3:2) təsadüf edib. 50-ci qol Cəlal Hüseynovun avtoqolu ilə gerçəkləşib.

50 qol üçün “Qarabağ”a 19 matç kifayət edib. Bu, son 21 mövsümün rekordunun təkrarıdır. Ağdam klubu 2 il əvvəl – 2022/23 mövsümündə də 50-ci qolunu 19-cu oyununda vurub.

Ölkə çempionatları tarixində isə 10-cu dəfə bir komanda 50 qol səddinə 19 və ya daha az oyunda çatır. Mütləq rekord 1996/97 mövsümündə qeydə alınıb. “Neftçi” 50-ci qolunu 13-cü turda vurub. “Kəpəz” 15-ci (1995/96) və 16-cı (1998/99) oyununda “100”ü yarılayıb.

• İlin ilk avtoqolu: Qeyri-adi antirekord
• Ən erkən start
• Alıyevin 200-cü, Həsənalızadənin 250-ci oyunu
• “Neftçi” “Sabah”a qarşı - YENİLƏNİR
• Millimizin üzvü oynadı, komandası məğlub oldu