Bakıda keçiriləcək cüdo üzrə “Böyük Dəbilqə” turniri tamaşaçısız baş tutacaq.

Bunu apasport.az saytına açıqlamasında Azərbaycan Cüdo Federasiyasının baş katibi Elmar Babanlı deyib.

O bildirib ki, koronavirus pandemiyası səbəbindən birillik fasilədən sonra ilk dəfə paytaxtımızda təşkil olunacaq beynəlxalq cüdo tədbirində zala tamaşaçı buraxılmayacaq. Babanlı jurnalistlərin yarışı işıqlandırması üçün şərait yaradılacağını da əlavə edib. Ancaq media nümayəndələri yalnız onlara icazə veriləcək sahədən öz işlərini görə biləcəklər: “Jurnalistlər yarış meydançasına düşə bilməyəcəklər. Onlar kənardan gəldikləri üçün idmançılarla yolları kəsişməməlidir”.

Qeyd edək ki, “Böyük Dəbilqə” turniri noyabrın 5-7-si aralığında keçiriləcək.
 

• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu
• Silahlı Qüvvələr Günü münasibətilə Xarıbülbül zirvəsinə yürüş keçirilib