İtaliya hökuməti AVRO-2020-nin yarımfinal və final matçlarının İngiltərədən alınmasında israrını davam etdirir.

Apasport.az saytının məlumatına görə, baş nazir Mario Draqidən sonra səhiyyə naziri Roberto Sperantsa da UEFA-ya xəbərdarlıq göndərib.

Sperantsa İngiltərədə koronavirusa yoluxma sayının artdığını əsas götürərək, son matçların Londonda keçirilməsinə qarşı olduqlarını söyləyib: “Düşünürəm ki, İngiltərədə yoluxmanın sayı artmağa davam edərsə, Draqinin sözləri sağlam düşüncəni nümayiş etdirəcək. 11 iyula hələ çox var. Buna görə də, səlahiyyətli qurumlar vəziyyəti yoxlamaq və qiymətləndirmək üçün lazımi zamana sahib olacaq”.

Qeyd edək ki, İtaliya 1/8 final mərhələsində Avstriya ilə “Uembli” stadionunda qarşılaşacaq. Hər iki komandanın azarkeşlərindən Londona getməmək istənilib.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO