Azərbaycanın bədii gimnastı Zöhrə Ağamirova Tokio-2020 Yay Olimpiya Oyunlarında çıxışını başa vurub.

Apasport.az saytının məlumatına görə, 20 yaşlı gimnast fərdi çoxnövçülükdə təsnifat mərhələsini adlaya bilməyib.

O, topla hərəkətdə hakimlərdən 23,400 xalla 16-cı olub. Ağamirovanın 17-ci olduğu halqa ilə çıxışı isə 23,000 xalla qiymətləndirilib. 

İdmançımızın lentlə hərəkəti 19,900-ə (15) layiq görülüb. Çıxışını gürzlərlə bitirən gimnastımız 21,500 (21) xal alıb.

Beləliklə, təmsilçimiz 4 hərəkətin yekuna əsasən 87,800 xal yığıb. O, çıxışını 18-ci yerdə başa vurub və Zöhrənin finala yüksəlmək şansını itirib.

Qeyd edək ki, ümumi siyahıda ilk 10 pillədə qərarlaşan gimnastlar sabahkı finala yüksəlib.

• Qarabağ MechaHack 9030-dan Nümunəvi Missiya: Texnologiya Sərhəd Tanımır
• Kamandan oxatma üzrə Bakı Kubokunun I mərhələsi keçiriləcək
• Azərbaycan İdman Rəqsləri Federasiyasının yeni prezidenti seçilib
• Yevlax 2027-ci il üçün Azərbaycanın "İdman Paytaxtı" seçilib
• Olimpiyaçılarımızın aşılanmaya məruz qalan medallar yenisi ilə əvəz edilib