İtaliyalı azarkeşlər AVRO-2020-nin final oyununu buraxa bilər.

Apasport.az saytının məlumatına görə, italyanların həlledici matçın keçiriləcəyi İngiltərə səfərində problem yaşanıb.

Məsələ burasındadır ki, İngiltərə nəqliyyat naziri Qrant Şapps “Skuadra Adzurra” fanatların koronavirusla bağlı Londona səfər etməmələrini istəyib. O, italyanların sırf futbolla əlaqədar səyahət etdiklərini öyrənəcəkləri təqdirdə, onların ölkəyə buraxılmasına icazə verməyəcəklərini söyləyib. Şapps hətta bir çox uçuşların da təxirə salındığını bildirib. İngiltərə hökuməti İtaliyadan gələnlər üçün 10 günlük karantin qaydası tətbiq edir.

Qeyd edək ki, İtaliya - İngiltərə matçı iyulun 11-də Londondakı “Uembli” stadionunda keçiriləcək.

• WADA-nın 2026-cı il üçün qadağan edilmiş maddələr siyahısı qüvvəyə minib
• 2025-ci ildə AMADA tərəfindən 1100 dopinq testi götürülüb
• WADA-nın qadağan edilmiş maddələrin siyahısının qüvvəyə minəcəyi tarix müəyyənləşib
• Qılıncoynatma üzrə Azərbaycan birinciliyinə yekun vurulub
• İlham Əliyevin doğum gününə həsr olunmuş turnir keçirilib - FOTO