Tokio-2020 Yay Olimpiya Oyunlarına gəldikdən sonra itən uqandalı ağırlıqqaldıran Culius Sekitoleko tapılıb.

Apasport.az saytının məlumatına görə, yığmanın düşərgəsindən qaçan 20 yaşlı atletin Mie prefekturasında gizləndiyi bəlli olub.

O, Yaponiyaya gəldikdən az sonra qaçıb. Koronavirus testi üçün onun oteldəki otağına gəldikdən idmançı artıq orada olmayıb.

Özündən sonra otaqda yazılı kağız qoyan atlet Uqandada ağır həyat tərzindən şikayətlənib və ora qayıtmaq istəmədiyindən qaçdığını qeyd edib. O, komanda yoldaşlarından xahiş edib ki, əşyalarını həyat yoldaşına çatdırsınlar. Az sonra onun sürət qatarına bilet aldığı üzə çıxıb və idmançının izinə düşən polis uqandalını tapıb.
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO