Avropa çempionatının final mərhələsinə hazırlaşan qadın voleybolçulardan ibarət Azərbaycan milli komandası “Savaria” beynəlxalq turnirində ilk oyununu keçirib. 

Apasport.az saytının məlumatına görə, Vüqar Əliyevin yetirmələri Macarıstanda təşkil olunan yarışın ilk günündə ev sahibləri ilə üz-üzə gəlib. 

Görüş komandamız üçün uğursuz başlasa da, təmsilçimiz ikinci hissədə öz oyununu tapıb. Millimiz hesabı bərabərləşdirdikdən sonra irəli də keçib. Lakin komandamız yekunda 2:3 (23:25, 25:23, 25:17, 22:25, 15:17) hesabı ilə uduzub. 

Turnirin digər oyununda da eyni hesab qeydə alınıb. Niderland Çexiyanı 3:2 hesabı ilə məğlub edib. 

Qeyd edək ki, voleybolçularımız dairəvi sistemlə keçirilən yarışın II turunda Niderlandı, son görüşdə isə Çexiyanı sınağa çəkəcək. 
 

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu