Azərbaycan yığmasının Tokio-2020 Yay Olimpiya Oyunlarında medal sayında yeni rekord vurmayacağı rəsmiləşib.

Apasport.az saytının məlumatına görə, bu, yarışın 7-ci günündə dəqiqləşib.

Daha iki idmançımız Olimpiada ilə mükafatsız vidalaşıb. Bununla da hələ də medal qazanmayan yığmamızın cəmi 18 şansı qalıb.

Millimiz Rio-2016-dakı göstəricisini təkrarlamaq üçün bu şansların hamısından medal qazanmalıdır. Bu, mümkünsüz görünür. 

Lakin idmançılarımız mümkünsüzü reallaşdırsa belə ən yaxşı halda rekord təkrarlanacaq. Yeni rekord üçün isə ən azı daha üç il gözləməli olacağıq.

Yeni rekordun reallaşmaması həm də uğurlu tendensiyanın qırılması anlamına gəlir. Məsələ ondadır ki, yığmamız özünün ilk Olimpiadasından başlayaraq daim mükafat sayında artıma nail olub. Bu dəfə isə artım tendensiyası qırılıb.

Qeyd edək ki, idmançılarımız 1996-cı ildə 1, 2000-ci ildə 3, 2004-cü ildə 5, 2008-ci ildə 7, 2012-ci ildə 9, 2016-cı ildə 18 olimpiya medalı qazanıb.
 

• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO
• Kamandan oxatma üzrə Bakı şəhər kubokunda qaliblər məlum oldu