AVRO-2020-nin pley-off mərhələsi davam edir.

Apasport.az saytının məlumatına görə, 1/8 final mərhələsinin ikinci oyun günü Budapeştdə başlayıb.

C qrupunda keçirdiyi hər üç matçda qələbə qazanan Niderland millisi 3-cü yer sahibi kimi tur adlayan Çexiya ilə üz-üzə gəlib. İlk yarısı qarşılıqlı hücumlarla keçən matçda həlledici məqam Mateys de Liqtin meydandan qovulması olub.

Fasilədən az sonra say üstünlüyü qazanan Çexiya millisi daha çox hücum edib. Bu da öz bəhrəsini verib. Əvvəl Tomaş Qoleş, ardınca Patrik Şikin vurduğu qollar çexiyalıları 1/4 finala daşıyıb.

Qeyd edək ki, bu gün 1/8 finalın daha bir oyunu keçiriləcək. Bakı vaxtı ilə saat 23:00-da başlayacaq matçda Belçika və Portuqaliya üz-üzə gələcək.

AVRO-2020
1/8 final
27 iyun
20:00. Niderland – Çexiya - 0:2
Qollar: Tomaş Qoleş, 62, Patrik Şik, 80
Baş hakim: Sergey Karasyov (Rusiya)
Budapeşt. “Puşkaş Arena”
 

• Azərbaycanın trek yığması Avropa çempionatında iştirak edəcək
• Şose velosipedi üzrə ölkə çempionatının qalibləri müəyyənləşib
• Balaheydər Kərimov triatlon üzrə Dünya Kubokunda hakimlik edən ilk azərbaycanlı olub
• Azərbaycanın deflimpiya üzrə üzgüçülük millisinin baş məşqçisi bəlli olub
• Şose velosipedi üzrə ölkə çempionatında ikinci günün qalibləri bəlli oldu - FOTO